لە کۆنگرەیەکی ڕۆژنامەوانی دا ، شۆڕش ئیسماعیل ، وتەبێژی بەڕێوە بەرایەتی پۆلیسی ڕاپەڕین ڕایگەیاند ” لە سنوری بەڕێوەبەرایەتیمانداو لە ساڵی 2019 دا (4186)ڕووداو تۆمار کراون کە (2614)  ڕووداو لە قەزای پشدەر و (1572) ڕووداو لە قەزای ڕانیەدا ڕوویانداوە ،  کە 3242 دۆسیە بە ئەنجام گەیەنراون و 944 دۆسیە لە لێکۆڵینەوەدا ماونەتەوە  ” .

 ناوبراو وتیشی “لە کۆی ڕووداوەکان 2384 کەس  دەستگیرکراون و ڕاگیرکراون و بەپێ ی بڕیاری دادوەر وە بە هۆکاری جیاجیا 165 تۆمەتبار دەستگیرکراون . وە لە ساڵی 2019 دا 128 کەس  بەهۆکاری جیاجیا گیانیان لەدەست داوە و 953 کەسی تر لە ڕووداوی جیاجیادا بریندار بوون  ” .

بە پێ ی ئاماری پۆلیس لە ساڵی 2018 دا (4315) ڕووداو هەبووە و لە ساڵی 2019 دا (4186) ڕووداو هەبووە ، بەو پێ ڕووداوەکانی ساڵی  2019 کەمیان کردووە .