له‌لایەن لیژنەهاوبەشەكانی قائیمقامیەتی قەزای كەلارەوە لەماوەی 24 كاتژمێری رابردودا 150 شوێنكار بەهۆی سەرپێچیەوە سزادران.
راگەیاندن و پەیوەندیەكانی قائیمقامیەتی قەزای كەلار رایگەیاند:”لیژنە هاوبەشەكانی قایمقامیەت و تیمەكانی پۆلیس و ئاسایشی كەلار و پۆلیسی شارەوانییەكان ، بە بڕیاری قایمقامی كەلار بەردەمن لە چاودێریكردنی بازاڕ و شوێنە گشتییەكان و پابەندكردنی هاوڵاتیان و كاسبكاران بە بڕیار و رێنماییەكانی تایبەت بە خۆپاراستن لە ڤایرۆسی كۆرۆنا .
رونیشكراوەتەوە:” لەو چوارچێوەیەدا لە ماوەی ٢٤ی سەعاتی ڕابردوودا بە ھۆی پابەندنەبوون بە رێنماییەكانی تایبەت بە خۆپاراستن لە ڤایرۆسی كۆرۆنا لە سنووری قەزای كەلار زیاتر لە ١٥٠ شوێنكار داخراوەن ، كە بەشی زۆری ئەو شوێنكارانە دەكەونە سەنتەری بازاڕی شاری كەلار.
جەختیشكراوەتەوە:” ئەو شوێنانەی داخراون لە ماوەی رابردوودا چەندین جار چی لە ڕێگای لیژنەكان و ڕاگەیاندنەوە ، ئاگادار كراونەتەوە كە ڕێنماییەكان جێبەجێ بكەن بە تایبەت بەكارهێنانی دەست كێش و دەمامك بەڵام پابەند نەبووون بە ڕێنماییەكان بۆیە دواجار بڕیاری داخستنیان دراوە.