تاڵیبان ڕایگەیاندووە کە لێژنەی سەربەخۆی مافی مرۆڤی ئەفغانستان هەڵوەشاوەتەوە و چیدی شەرعییەتی نەماوە.
پێشتر لێژنەی مافی مرۆڤی ئەفغانستان ڕایگەیاندبوو کە تاڵیبان دەستی بە سەر نووسینگەکانی ئەواندا گرتووە و ماوەی یەک مانگە کە کارەکانیان ڕاگیراوە.
ئەو لێژنەیە داوای لە تاڵیبان کردبوو کە دەرفەتی چاودێریی سەربەخۆ و بێلاین لە سەر دۆخی مافی مرۆڤ بە تایبەت لە بوارەکانی ژنان و منداڵان لە ئەفغانستان دابین بکرێت./.