تەرمی ژنێک لە زێی بچوک لە نزیک گوندێکی ناحیەی تەقتەق بە خنکێنراوی دۆزرایەوه‌ و پۆلیس ده‌ڵێت، “باوکی ئەو ژنە دانی بە کوشتنی کچەکەیدا ناوە.”

هەرێم دڵشاد، لێپرسراوی بنکەی پۆلیسی تەق تەق ئه‌مڕۆ پێنجشه‌ممه‌، لە کۆنگرەیەکی ڕۆژنامەوانیدا ڕایگەیاند، “ئاگادارکراونەتەوە لە دۆزینەوەی تەرمێک لە نزیک گوندێکی سەر بە ناحیەی تەقتەق، دوای گەیشتنی تیمەکانی پۆلیس بۆ شوێنی روداوەکە تەرمەکە ڕەوانەی پزیشکی دادوەری کۆیە کراوە.”

وتیشی، “باوکی ژنەکە دانی بەوەدا ناوە کە خۆی کچەکەی لەناو ئاوی زێی بچوک خنکاندوەو تەرمەکەی لەوێ جێهێشتوە، هاوکات لە پزیشکی دادی دەرکەوتوە کە ئاسەواری چەقۆ لەسەر دەستی ژنەکە هەبوە.”

ئاماژه‌ی به‌وه‌شكرد”ئەو ژنە تەمەنی (23) ساڵە و خاوەنی منداڵێکە.”

به‌وته‌ی لێپرسراوی بنکەی پۆلیسی تەقتەق، “ڕوداوەکە کێشەیەکی کۆمەڵایەتیە و کەسێکی دیکە بریندارە کە لەلایەن هاوسەری ژنە خنکێنراوەکە بە چەقۆ بریندارکراوەو  ئێستا بە برینداری دەستبەسەر کراوەو لێكۆڵینه‌وه‌ له‌ روداوه‌كه‌ ده‌ستی پێكردوه‌.”