كچێك بە فیشەك كۆتایی به‌ ژیانى خۆى هێنا

ڕێكخراوی ئاشتی بۆ مافەكانی مرۆڤ

وتەبێژی پۆلیسی سۆران ڕای دەگەیەنێت، ”كچە قوتابییەك لە شارده‌ێى خەلیفانی سەر بە شارۆچكه‌ى سۆران بە فیشەك كۆتایی بە ژیانی هێنا”.

ئاشتی ‌: موقەدەم شەماڵ دێوالی، وتەبێژی پۆلیسی سۆران ڕايگەیاند:  بە وتەی دایك و باوكی ئه‌و كچه‌، خۆی بە چەكی جۆری دەمانچە تەقەی لەخۆی كردووە و كۆتایی بە ژیانی هێناوە.

هاوكات وتەبێژی پۆلیسی سۆران وتیشی: ”كچەكە لەدایكبووی ساڵی 2003یە و دانیشتووی شاره‌دێى خەلیفانە و پیشەی قوتابییە”.

شه‌ماڵ دێوالى باسی لەوەش كرد: ”گومانمان لە خۆكوشتنى ئەو كچە هەیە، لێكۆڵینەوەكانمان بەردەوامە و ئەو زانیارییانەی هەیە تەنیا سەرەتایین، ئەگەر لێكۆڵینه‌وه‌كان بەو ئاڕاستەیەى ئێستا بڕوات، لەوانەیە دەستێكی تێدا بێت”.