بەهۆی کێشەیەکی کۆمەڵایەتی لە زاخۆ کەسێک بە 10 گولـلە دەکوژرێت
بەڕێوەبەرایەتی پۆلیسی پارێزگای دهۆک رایدەگەیێنێت بەهۆی دروستبوونی کێشەیەکی کۆمەڵایەتی لەنێوان دوو کەسدا لە قەزای زاخۆ، کەسێکی تەمەن 32 ساڵ بەگولـلە کوژرا.
هێمن سلێمان، بەرپرسی پەیوەندی و راگەیاندنەکانی پارێزگای دهۆک رایگەیاند، لە گەڕەکی ئاشتی لە زاخۆ رووداوەکە روویداوە و ئەنجامدەری تاوانەکە لەلایەن پۆلیسەوە دەستنیشانکراوە، بەڵام تاوەکو ئێستا دەستگیرنەکراوە.
هاوکات ئەمیر عەلی، بەرپرسی راگەیاندنی تەندروستی زاخۆ بە رووداوی راگەیاند، دوای گەیاندنی تەرمی ئەو کەسە بە پزیشکی دادوەری دەرکەوتووە کە شوێنەواری 10 گولـلە بە جەستەیەوە دیاربوو.
ئەو کەسەی کوژراوە ناوی ئیدریس سلێمان ساڵح ـە، تەمەنی 32 ساڵە و خەڵکی زاخۆیە، بەڵام بەهۆکاری ئەمنی پۆلیس ناوی بکوژەکەی ئاشکرا نەکردووە کە بەپیێ ماددەی 406 لەیاسایی سزادانی عێراقی بڕیاری دەستگیرکردنی بۆدەرچووە.
