کەیوان رەمەزان یەکێک بوو لەو پێشمەرگانەی سەر بەوەزارەتی پێشمەرگە چەند رۆژێک لەمەو بەر لە هەولێکی تیرۆرکردن رزگاری بوو لەلایەن گروپێکی چەکدارەوە
وەک یەکێک لە هاورێ پێشمەرگەکانی کە نەیویست ئاماژە بە ناوەکەی بکەین ووتی کەیوان یەکێک بوو لەو پێشمەرگانەی هەمیشە داکۆکی لە هاوپیشەکانی خۆی کردووە دەستی خستۆتە سەر هەموو ئەو گەندەلیانەی کە لە ناو وەزارەتی پێشمەرگەدا هەیە بۆیە بەرپرسانی ئەو وەزارەتەش رەخنەکانی کەیوانیان پێ هەزم نەدەکراو ویستیان تیرۆری بکەن.
ئەو هاوپیشەی کەیوان هێمای بۆ ئەوەش کرد و ووتی کەیوان رەمەزان لە کاتی هێرشی تیرۆرستانی داعش بۆسەر کوردستان رۆلێکی کاریگەری هەبووەو چەندین جار لە مەرگ رزگاری بووە کەچی ئەوە پاداشتەکەیەتی کە دەیدرێتەوە.
شایانی باسە لە عێراق و کوردستان یاسایەک
نیە بۆ داکۆکی کردن لە کەسانی نوێخواز و هەموو ئەو کەسانەی دەیانەوێت بە ئازادەنە رەخنەکانیان رووبەروی دەسەلات بکەنەوە بەلکو بە پێچەوانەوە یان تیرۆر دەکرێن یان دەرفێنرێن و دواتریش بە تۆمەتی سەیر سەیر زیندانی دەکرێن.